يمّه

يمه نهاياتي عذاب ٍ بدأبي
كل ما تخيلتك تذكرت فرقاك
يمه وش اجمع من بقايا سرابي
وأنا فقدت بدنيتي حلم لقياك
يمه تعالي هوني من عذابي
قبل أذكرك نسيت بالشوق لانساك
يمه حنانك في يديني نعابي
لفظت ييمه تروي الروح بضماك
اعيش لاقلتها في غيابي
وأضمها بالروح صورت محياك
فديت قبرك في ملامح ترابي
واسقيت شمسك من نوادر مزاياك
يمه تعبت من الوله في كتابي
اكتبك حرف وبيت وارد واقراك
مثل السعد في غيبتك مادرابي
ومثل الشقا في صحبتي همس يجفاك
ضمدت جرحي بين ضرسي ونابي
رفضت صمتي وانزرعت بثناياك
قفلت عيني وانفتح نصف بابي
بين الحنان وبين ذكرى هداياك
هلت دموعي وانكسرت بشبابي
ياروعة التعبير واشلون أبنساك
إن قلت يمه قلتها من عذابي
اسعد بها يمه وانا اعيش ذكراك